Post by Dissipel158 on Nov 28, 2013 8:46:12 GMT 2
Die liefde is geduldig, die liefde is vriendelik; dit is nie afgunstig nie, is nie grootpraterig nie, is nie verwaand nie. Dit handel nie onwelvoeglik nie, soek nie sy eie belang nie, is nie liggeraak nie, hou nie boek van die kwaad nie. Dit verbly hom nie oor onreg nie, maar verheug hom oor die waarheid. Dit bedek alles, glo alles, hoop alles, verdra alles.(1 Korintiërs 13:4-7)
Paulus praat hier van al die eienskappe van liefde, wat dit doen, wat dit is, en wat dit behels. Jesus het die beste voorbeeld van liefde gewys, to hy sy liggaam aan 'n dwarsbalk laat hang het vir ons sondes. Ons as 'n gemeente, wat streef daarna om soos Jesus te wees moet dan seker ook 'n mate van die liefde betoon, of hoe? In 1 Korintiërs 1:10 sê Paulus verder dat ons met mekaar moet saam stem, dat daar onder ons geen verdeeldheid sal wees nie, en tog hoor ek gereeld dat die jeug in die gemeente praat van 'n verdeeldheid tussen die jeug en die ouer generasie van die gemeente. As ons dan sê ons wil soos Jesus wees, hoekom betoon ons nie liefde teenoor mekaar nie? Ons skinder, vloek, verdraai die waarheid, ons is ongeduldig, onvriendelik, afgunstig, praat groot oor onsself, ons stry onder mekaar, ons vind nie 'n plek waar ons ooreenstem nie ... Alles in teenstelling met wat die liefde is ....
Hoe kan ons dan te werk gaan om liefde onder ons gemeente te kweek, want liefde bring dan geduld, vriendelikheid, eerlikheid, eenheid, vrede, getrouheid, hoop, genade en soveel meer?! Hoe begin ons, om liefde vir mekaar te wys?
Paulus praat hier van al die eienskappe van liefde, wat dit doen, wat dit is, en wat dit behels. Jesus het die beste voorbeeld van liefde gewys, to hy sy liggaam aan 'n dwarsbalk laat hang het vir ons sondes. Ons as 'n gemeente, wat streef daarna om soos Jesus te wees moet dan seker ook 'n mate van die liefde betoon, of hoe? In 1 Korintiërs 1:10 sê Paulus verder dat ons met mekaar moet saam stem, dat daar onder ons geen verdeeldheid sal wees nie, en tog hoor ek gereeld dat die jeug in die gemeente praat van 'n verdeeldheid tussen die jeug en die ouer generasie van die gemeente. As ons dan sê ons wil soos Jesus wees, hoekom betoon ons nie liefde teenoor mekaar nie? Ons skinder, vloek, verdraai die waarheid, ons is ongeduldig, onvriendelik, afgunstig, praat groot oor onsself, ons stry onder mekaar, ons vind nie 'n plek waar ons ooreenstem nie ... Alles in teenstelling met wat die liefde is ....
Hoe kan ons dan te werk gaan om liefde onder ons gemeente te kweek, want liefde bring dan geduld, vriendelikheid, eerlikheid, eenheid, vrede, getrouheid, hoop, genade en soveel meer?! Hoe begin ons, om liefde vir mekaar te wys?